قصيدة الطبيب
للشيخ محمد بن سليمان

الحربة
الطّْبِيبْ اعْرَفْ دَيَا وَالْعْلاجْ سُومُ غَـــــــــــــــــالِي       عَالْجُونِي يَا نَاسِي لانْمُوتْ مُوتْ الْغَفْلا
اهْ مَنْ قَلْبِي يَشْكِي بَالْضْرَارْ مَـــاهُ سَـــــــــــــــــالِي       وَالّْذِي مَا يَعْدَرْنِي يَا تْرَى ابْحَـالِي يَبْلا
غِيرْ تَرَى بَرْدِ اتَرَى اجْمَارْ هَدَا حَــــــــــــــــــــالِي      اوتَرَى يَاتِي لِيَّ اطْبِيبْ زِيّْ الْحَمْـــــلا
وُلاعْرَفْتْ اشْ يْكُونْ فْدَ السّْقَامْ وَاشْ عْمَـــــــــــالِي       فِدْنِي وَحْسَبْ لاجَرْ لَلْكْرِيمْ جَلا وَعْــلا
شَافْ لُونِي مَدْبَـــــــالْ وُجَدَّدْ النّْظَرْ فَخْيَـــــــــــالِي       قَالْ لا قُوَّى الا بَلْكْرِيمْ وَلا حَـــــــــوْلا
غِيرْ جِبُ وَرْدَا مَنْ شِي ارْيَاضْ صُورُ عَـــــــــالِي       وُلَعْسَلْ جِيبُهَا مَنْ شَهْدْ مَا نْسَجْتُ نَحْلا
الحربة
الطّْبِيبْ اعْرَفْ دَيَا وَالْعْلاجْ سُومُ غَــــــــــــــــــالِي       عَالْجُونِي يَا نَاسِي لانْمُوتْ مُوتْ الْغَفْلا
القسم الثاني
الدّْوَى حَاضَرْ وَعْلاشْ الْحْبِيبْ رَادْ اقْتَـــالِي        رَاحْتِي فَالْمَرْشَفْ وَالضَّرّْ مَنْ اشْفَارْ النَّجْــلا
وَالْحْوَاجَبْ قَوْسِينْ انْبَالْ وَالشّْفَــارْ اعْــوَالِي        ضَلّْلُ خَالْ الْخَدّْ وُحَجّْبُ الْعِينْ الشَّهْـــــــــلا
وَالْعْدَارْ سْلاسَلْ وَعْقَارَبْ الْصْدَاغْ اكًـْبَــالِي        عَنْبْرِ فِي سَجْنْ ضْلامُ احْصَلْتْ هَدَ الْحَصْلا
وُلَفْدَا شَلا يَا لَحْبَابْ مَا يْخَلَّصْ مَــــــــــــالِي        جِيتْ عَنْدْ السُّلْطَانْ عْلَى خْرِينْ سُومِي يَغْلا
حَازَتْ اغْزَالِي جَاتْ عْلَى بْدُورْ فَاسْ الْبَـالِي         كِيفْ نَجْمَاتْ الصُّبْحْ اغْشَاتْهُمْ شَمْسْ الْقَبْلا
الحربة
الطّْبِيبْ اعْرَفْ دَيَا وَالْعْلاجْ سُومُ غَــــــالِي          عَالْجُونِي يَا نَاسِي لانْمُوتْ مُوتْ الْغَفْلا
القسم الثالث
جَاتْ خَيْلْ اهْوَايَا عَلْفَاتْ بَالصّْفُوفْ اتْشَـــالِي       كُلّْ تَايَكْ يَلْقَانِي نُوجْدُ اسْرِيعْ الْخَصْــــــــــلا
رَاخَفْ الْجَلْبَابْ مَنْ ضَيْقْ اللّْتَامْ مَاهُ تَـــــــالِي       امْسَبّْقِينْ ابْطَالْ الْمَاضِي امْوَخّْرِينْ الْمَهْــــلا
لَعْنَانْ اللَّعْنَانْ ارْكَابْ لَلرّْكَــــــــــــابْ امْوَالِي       وَالسّْيُوفْ مَنْ الْبَعْدْ اتْبَــانْ كَابْرُوقْ فْصَقْـلا
اشْهَوْتْهُمْ غِيرْ الْمُوتْ اتْدَاوْنُو عْلَى تَفْصَـــالِي      كُلّْ مَفْصَلْ يَشْكِي فَالدَّاتْ مَنْ اقْطِيعْ النَّصْلا
صُلْ صُولَتْ عَبْسِي يَا مَنْ اهْوَاهْ عَزّْ وْصَالِي      يَالِّي شَفْرَكْ مَاضِي مَنْ احْسَامْ عَـاشَقْ عَبْلا
الحربة
الطّْبِيبْ اعْرَفْ دَيَا وَالْعْلاجْ سُومُ غَــــــالِي          عَالْجُونِي يَا نَاسِي لانْمُوتْ مُوتْ الْغَفْلا
القسم الرابع
فَارَسْ اعْرَابِي دَرَّسْنِي دْرِيسْ مِيرْ اهْـــــــلالِي        بَعْدْ هَدَ مَنْ سَجْنْ اهْوَاهْ مَا نْوِيتْ ابْرَحْــلا
تُلْتْ سَالِي وَالتُّلْتِينْ فَالزّْمَـــــــــــانْ انْكَــــــــالِي        سَاعْتَيَنْ تُوجَدْ حَالِي اهْمِيمْ سَـــاعَـا يَسْلا
فِي هْوَى مَنْ نَهْوَى تَاجْ الْبْدُورْ جَدْيْ الْفَــــــالِي        مَنْ اغْرَامُ شَعْلَتْ فَالْقَلْبْ يَا عْدُولِي دَبْـــلا
انْضَلّْ هَايَمْ وَنّْظَرْ دَمْعِي سْجِيمْ يَــــــا عَمْدَالِي        هَكْذَا قَلْبِي مَنْ صَهْدْ الْجْمَارْ دَايَمْ يَصْـــــــلا
لَعْفُ يَا سُلْطَانْ الزِّينْ يَــــــــالشَّاطَنْ بَــــــــالِي        كُلّْ مَا تَعْلَى الْعِينْ عْلِيهَا الْحَـــــــاجَبْ يَعْلا
الحربة
الطّْبِيبْ اعْرَفْ دَيَا وَالْعْلاجْ سُومُ غَالِي            عَالْجُونِي يَا نَاسِي لانْمُوتْ مُوتْ الْغَفْلا
القسم الخامس
يَا هْلَ الدَّعْوَى رَنَا عَنّْكُمْ تَبْتْ امْقَـــــــــــــالِي          سَلّْمُ وَسْتَرْضَــــاوْ اَجِوْ سَلّْمُ  فَالْبَقْـــــــــلا
جَبْتْ قَوْلِي دَابَدْ فِيهْ الْعَيَارْ وَالْقَبَّــــــــــــــــالِي          وَالّْذِي نَــــــاقَصْ دِينَارُ يْبَانْ عَنْدْ الْعَــدْلا
كَانْ جَامَدْ يَــــــاتِي لِيهْ انْفَتْحْ كَنْزْ امْــــــوَالِي          بَعْدْ صَنْفْ الْيَقُوتْ اتْصِيبْ فِيهْ تَــــاجْ ابَدْلا
بِهْ بَرْزُ غَيْدَاتْ امْشَرْغْنَاتْ شَطْنُ بَــــــــــالِي          رَاكْبَـاتْ اهْوَادَجْ هَيْفَاتْ رَاخْفَـاتْ السَّبْلا
بَنْ اسْلِيمَانْ اسْلامْ الْوَرْدْ وَالزّْهَرْ وَغْـــــــوَالِي          لَلْشْيَاخْ الدُّهَــــــاتْ الْعَارْفِْينْ حَقّْ الْمَثْلا