قَصِيدَة دَامِي شَرَّادَا
لسيدي قدور العلمي          مبيت رباعي

القسم الأول
بـَشْــفَـارْ اَهْــنـَـدَا
خَلْخْلُونِي رَحْتْ اَبْجَرْحِي اَجْدِيــدْ
وَعْيُونْ اَسْرَادَا
حَاجْبِـينْ فْـتَعْرِيـقَا سُودْ

نَعْـنِـي طَرَّادَا
قَدّْها كَرَمْحْ اَنْبَا يُومْ عِيـدْ
قُـدَّامْ اَلْكًـَـدَا
فِي انْهَارْ الْحَرْبْ المَوْعُودْ

دَازَتْ مُــغْــتَادَا
مَنْ الْقَاهَا كَتَعْطِيهْ الْحـدِيدْ
حَرْبَا نَـفَّــادَا
سَمْهَا كَـيَخْرَقْ البْـدُودْ

نَظـفَـرْ باِيـفَـادَا
امْنِينْ تَعْطَفْ لِي دِيكْ اللِّي انْرِيـدْ
فَرْحِي يَتْــزَادَا
ضَد فِـي الرَّقْبَانْ وَالْحْسُودْ

الجربة
دَامِي شَـرَّادَا
القِيتْ شُورْ الوَالِـي سِيدِي اسْعِيدْ
بَخْـدُودْ اوْرَادَا
رَاحْ عَـقْلِي مَنْهَـا مَفْـقُـودْ

القسم الثاني
سَـارَتْ جَــدَّادَا
امْنِيـنْ زَارَتْ دَاكْ القُطْبْ السْعِيدْ
حُــرْمَـا وَاسْـيَـادَا
كَهْفْ الْعْنَـايَا بَحْرْ الْجُودْ

نَـعْــنِـي فَـيَّـادَا
امْنِيـنْ تَاكَتْ كَمَحْـدَا فِي جْـرِيدْ
تَظْـهَـرْ سَـيّـادَا
دَارَتْ عْلَى الرًّقْـبَانْ اشْهُـودْ

مَنْ غِـيـرْ ازْيَادَا
حُبْهَـا فِي صْمِيمْ ادْخَالِي اشْدِيدْ
فِي اسْبِيلْ اَلْعَادَا
سِيفْ حُسْنْ ابْهَاهَا مَجْبُودْ

نَارِي وقَّادَا
فِي احْشَايَا شَعَّالَ مَااتْبِيدْ
حُرَّا نَفَّادَا
كَادْيَا وَاجْمَارْهَا مَزْنُودْ

الجربة
دَامِي شَرَّادَا
القِيتْ شُورْ الوَالِي سِيدِي اسْعِيدْ
بَخْدُودْ اوْرَادَا
رَاحْ عَقْلِي مَنْهَا مَفْقُودْ

القسم الثالث
فِي بُوعَوَّادَا
الْحَقْتْهَا وَانَا كَنَجْرِي اوِكِيدْ
غَرْضِي نَتْفَادَا
مْعَ اللِّي تَرْكَتْنِي مَفْقُودْ

وَعْلَى غَرّادَا
الْقِيتْهَا وَانَا بَالْقَلْبْ اَلْحْقِيدْ
خَيْلِي رَجْدَادَا
وَالصْوَارَم تَخْرَقْ اَلْهْنُودْ

قَالَتْ يَاهذَا
بَعَّدْ عْلِيَّ لاَتَضْحَى انْكِيدْ
سَلّمْ لِيرَادَا
خَيْرْ لَكْ لاَتَمْشِي مَطْرُودْ

بَالَكْ تَتْمَادَا
اَوْ يَغْوِيكْ لْسَانَكْ بَالنّْشِيدْ
رَانِي نَشَّادَا
وَالْعْرُوبِي عَنْدِي مَوْجُودْ

الجربة
دَامِي شَرَّادَا
القِيتْ شُورْ الوَالِي سِيدِي اسْعِيدْ
بَخْدُودْ اوْرَادَا
رَاحْ عَقْلِي مَنْهَا مَفْقُودْ

القسم الرابع
خُوفِي تَتْاَدَّى
قَالَتْ لِي مُولاتْ العْقَلْ الرْشِيدْ
رَايَسْ الفْرَادَا
الوْجِيبَا نَايَرْ الْخْدُودْ

خَالَفْتْ الْعَادَا
اَمْنِينْ شَفْتْ اَبْعِنِي شَلاَّ اَنْرِيدْ
القُومْ الْحْسَادَا
وِيحْهُمْ مَا بَلْغُوا مَقْصُودْ

مَا رَدْتْ ازْيَادَا
امْنِينْ دَخْلَتْ لِي فِي داكْ الْوْصِيدْ
نَسْمَعْ مَنْ نَادَا
وقَالْ شْرَعْ اللّهْ المَعْبُودْ

مَثْلَكْ يَتْهَادَا
يَالْعَاشَقْ رَسْمَكْ مَاهُو بْعِيدْ
حَاشَا تَتْعَادَا
غِيرْ كُونْ مْعَوَّلْ مَوْجُودْ

الجربة
دَامِي شَرَّادَا
القِيتْ شُورْ الوَالِي سِيدِي اسْعِيدْ
بَخْدُودْ اوْرَادَا
رَاحْ عَقْلِي مَنْهَا مَفْقُودْ

القسم الخامس
زَادَتْ وَكَّادَا
امْنِينْ عْرَفْتْ عَشْقِي فِيهَا افْرِيدْ
وَاسْرُورِي نَادَا
وَالجْفَا مِيجَالُ مَحْدُودْ

وَالْهْجَرْ انْكَادَا
وَالْفْرَاقْ مَنْ ضَرُّ طَرْفِي اسْهِيدْ
وَالْوْصَلْ اِيفَادَا
مَلْتَقَاكْ امْبَارَكْ مَسْعُودْ

وَرْضَاكْ اسْعَادَا
قُلْتْ لْهَا فِي صْدُودٓكْ لاَتْزِيدْ
غَرْضِي نَتْلاَدَا
بَالْهْنَا ونْطَرَّدْ الْحْسُودْ

ذُرَّا وَقَّادَا
مَايْشاهَدْهَا مَنْ فَكْرُ ابْلِيدْ
وبْخَرْقْ الْعَادَا
اهْدِيتْهَا لَضْرَاغَمْ الاُسُودْ