قصيدة اَعْيُونْ اَلْمَهْرَا
للسي التهامي المدغري            مبيت رباعي

الحربة
أَعْيُونْ الْمَهْرَا يَسَالْفْ الضْلِيمْ اَجِيدْ الصَّيَــــــــاحْ
اَطَــــــــــــاوَسْ بِين اَدْوَاحْ       يَـــــــــــــاقْمَرْ سَاحِـي
اَقْطِيبْ الْيَــــــــــــــــــــاسْ اَخَدْ الشَّقِيقْ يَارَحَـــــــــــــــــا

القسم الأول
كُنْتْ بِينْ ابْسَاتَنْ فَرْحِي وُرَاحْتِي وَ سَرُورِ يَصَـــاحْ
طُولْ ازْمَـــــانِي مَرْتَاحْ
خَـاطْرِ سَــاحِـي
كِي نْضَلْ انْبَـــــاتْ مْسَلِي انْعِيمْ فِي رَاحَــــــــــا

مَاصْبِيتْ وُ لاَ مَلْتْ وُ لاَرْبِيتْ بِيرَدا بِينْ ارْيَـــاحْ
مَـــاتَهْتْ بْزينْ امْلاَحْ
   تَــــابَعْ اصْلاَحـِي
مَـادْنَفْتْ ابْلِيعَـــــــا وَلاَفْنِيـــتْ بَجْيَـــاحَــــا

مَــا رْكَبْتْ ابْحُورْ الْغِيوَانْ بَالضّْنَا والدَّمْعْ الْكَفَّــاحْ
مَــــــا بَيَّنْـــــتْ ابْتَنْــــــــــوَاحْ
غَـــــــــــايْتْ افْضَاحِي
مَـــانْعَتْنِي وَاشِــي وَلاَرْقِيبْ بَطْمَـــــاحَـــــــــا

مَــــاوْلَهْتْ وُلاَهَمْتْ وُلاَسْهِيت ْسَرِّ صَايَنْ مَابَاحْ
نَحْلْ اجْبَـــــاحِي سَـرَّاحْ
بِينْ لَبْطَــــــاحِـــــــــي
مَـــاتْمَكَّنْتْ بْشُــــــــــوفْ وُلاَفْنِيـــتْ بَطْرَاحَــــــا

مَــاتْنَحَّلْ حَـــــــالِي وَلاَرْشِيتْ حَتَّى رِيتْ الْوَضَـــاحْ
بَدْرْ اضْـــــــــوَى لِيلْتْ وَاحْ
هِيَّجْ اجْــــــرَاحِــي
سَــــامْنِي وَرْشَقْ قَلْبِي مَنْ اسْيُوفْ  دَبَّــــاحَــــــا

القسم الثاني
يَاشْعَاعْ اطْلُوعْ الدَّبْـــــــدُوحْ
يَاغْزَالِي يَـــاقُوتْ الــــــرُّوحْ
يَــا قْمَرْ وَاضَحْ

يَاخْدُودْ الوَرْدْ المَفْتُــــــــــــــوحْ
يَا قْطِيبْ الرَّوْضْ المَلْقُـــــوحْ
يَـــا زْهَرْ فَـــــــايَحْ

يَا جْيَاحْ الكَبْدْ الْمَرْمُـــــــوحْ
يَا عْلاَجْ الْقَلْبْ الْمَجْـــــــــروحْ
يَـــا مْهَرْ سَايَــحْ

اِلَى تْعَطْفِي يَبْرَى دَيَا وُ كَيّْتِي وُ شْكًـَيَــا تَرْتـــَاحْ
تَخْمَدْ بَعْدْ التَّكْــــلاَحْ
نَــــارْ تَلْفَــــــاحِــي
ابْسَرْ لُوصَـــالْ اتْبَرْدْ اَلْوَهْجَـــــا الَّفَّـــاحَــــا

اِلَى تْجُودِي بَلْعَطْفْ اَضْفَرْتْ بَلْهْنَــــا وَغْنَيَا وَفْرَاحْ
قَلْبِــــي مَنْ شَغْـفُ رَاحْ
طَـــالْتْ اَفْرَاحِي
فِي ارْضَاكْ اطْيَارْ ادْوَاحِــــي اَتْبَــاتْ مَرْتَاحَــــا

طُولْ مَــــــــا عَلَّمْتْ اَلْهِيزَارْ بَالّْحَاحْ وُصِيغْ التَّنْـوَاحْ
وَ غْلَبْتُ فَـالتَّنــْـــوَاحْ
طَــــالْ تَنْوَاحِـــــــي
كِيفْ غَلَبْ اقْوِيــــــمْ اَغْزَالِي اَغْصَــانْ مَلْقَــاحَــــا

يُومْ نَحْتْ اَنَا وَتْمَايَحْتْ عَانْسِي بَالْغُصْنْ الْمِيَّـــاحْ
وَطْيَــــارْ عْلِيهْ اَفْصَـــــاحْ
بِينْ لَلْقَـــــاحْــــــي
بِينْ وَرْدْ اَمْـكَلَّلْ بَنْــدَاهْ طِيبْ وَلْقَــــاحَــــا

غَلَبْ نُوحِي لَطْيَارْ وُقَدَّهَا اِغْلَبْ اَلْغُصْنْ اَلْمَيَّـــاحْ
وَاَلْخَدّْ اَغْلَبْ بَنْصَــاحْ
وَرْدْ فَصْبَـــاحِي
وَالتَّغُــرْ غَلْبَــاتْ أدْرَارْ النّْـــضِيمْ وَضَّــاحَـــا

القسم الثالث
اِلَى اشْكِيتْ اَلْغَايْتْ لَـفْرُوحْ
كَـاتْزِيدْ الْقَلْبْ اَلْمَجْرُوحْ
هُولْ وُ جْوَايَــحْ

اَجْوَابْهَا شَدّْ اَعْلَى اَلْمَكًـْرُوحْ
بَالنّْشَاشَبْ فَـالْقَلْبْ اتْلُوحْ
سَمّْ لَجْرَايَــــــــــــــــحْ

قَالَتْ اَبْسَرّْ اضْمِيرَكْ بُـــحْ
رَا جْــــوَابِي بَدْوَاكْ اِيلُوحْ
يَـــا لِّي نَايَــــــــــحْ

اِلَى اشْكِيتْ اَلْهَا بَجْمَارِي اَتْقُولْ حَتَّى جَمْرِ لَحْــلاَحْ
فُوقْ اَخْدُودِي وَضَّـــاحْ
زَادْ تَلْحَــــاحِــــي
نَـارْ قَلْبَكْ وَخْدُودِي مَــاتْزُولْ لَحْلاَحَـــــا

اِلَى اشْكِيتْ اَكْحَـالْ الِّيلْ الطّْوِيلْ قَالَتْ زِينْ الدُّوَّاحْ
حتَّــا انَا دُونْ اَمْـــزَاحْ
لِيلَتْ اَشْبَــــاحِي
مَنْ اَشْعُورْ اَلسَّــالَفْ كْحَلْ اُطْوِيلْ بَنْصَاحَـــا

اِلَى اشْكِيتْ اَسْيُوفْ أَهْوَايَا تْقُولْ لِيَّا سَابَغْ لَلْمَــاحْ
عَنْدِي سِيفِيــــنْ اَوْقَـــاحْ
غَــــايْتْ اَسْلاَحِي
فُــــوقْ خَدِّي تَدْمِــي بَهْدَابْهَـا اَلجَّرَّحَــا

اِلَى اشْكِيتْ اَقْلاَيْدْ وَدْمُوعْ هَاطْلاَ بَالدَّمْعْ اَلْكَفَّــــاحْ
قَــالْتْ رَاحْـتْ لَرْوَاحْ
صِغْ تَوْضَــاحِي
شُفْ حَتَّى اَنَــا فَــــــالَّبَّـــا اَقْلاَيَدْ  اَمْرَاحَــــــا

اِلَى اشْكِيتْ اَغْدَايْدْ صَدْرِ اَلنَّاتْكًـَا وَوْقُوفِي لَحْــــــلاَحْ
قَـــالْتْ نَهْدِي تَفَّـاحْ
لاَحْ وَضَّـــــاحِـي
وَاقَــفْ اَمْبَنَّدْ شُفْ اَغْــــدَايْــــدُ اَلطَّفَّــاحَـــــا

القسم الرابع
اِلَى اَشْكِيـتِ تَشْكِي وَتْبُوحْ
مَا يْهِيبْ مْنْ اَلْهِيبْ اِيفُـــوحْ
فَلْحْشَــــــــــــا لاَفَحْ

بَـــــــالشَّكَـا عَدِّيتْ الْمَرْمُوحْ
بِينْ دُوكْ وُهَادُوكْ اِنُــــــــــــــــوحْ
سَــــــايَحْ وُ نَايَحْ

مَنْ اهْوَى عَرَّاضْ اَمَـرْبُوحْ
غِيرْ سَــــاهِي مَثْلْ اَلْمَرْيُوحْ
فَلْفْضَا طَــــــــايَحْ

اِلَى اَشْكِيتْ اَنْحُولِي تَشْكِي اَنْحُولْ دَاكْ اَلْخَصْرْ فْتْوْشَاحْ
وَتْقَــابَلْ يَارَجَّـــــاحْ
تِهْ وَمزَاحِـــــي
دَا بْــدَاكْ وَ لاَ صَايَبْ مَنْ  بْهُوتْهَـــا رَاحَـــــا

اِلَى اَشْكِيتْ اَتْقَالْ اَحْمُولِي تْقُولْ تُقْلِي فَــاقْ اَبْتَرْجَــاحْ
عَمَّـــــرْ لَقْمِيـــــصْ وُ دَاحْ
فَهْمْ تَشْـــــرَاحِي
فِي اَفْـــــرَاشِي نَتْكًـَــــــــلَّبْ وَالْعْقِيلْ فَنْزَاحَـــا

اِلَى اَشْكِيتْ اَرْدَافْ اَهْمُومِي تْقُولْ عَمْدَالَكْ مَنْ لَكْفَاحْ
شُفْ اَفْخَــــادْ اَفْتَلــــْوَاحْ
رَامْتْ اَكًـْــدَاحِــــي
اَخْلاَكًـَــكْ اُوَّرْكِي مَنْ تُقْلْ اَلْحْمُــــولْ تَتْــــدَاحَــا

اِلَى اَشْكِيتْ اَغْرُوقِي فَبْحُورْ حُبْهَا قَالَتْ لِي بَفْصَـــاحْ
عَنْدِي شَـــــــابَلْ سَبَّـــــاحْ
فَلْبْحَــــــــرْ دَاحِـــــي
دَايَمْ اَحْشَـــــاكْ وُ سَاقِي فَلْبْحُورْ سَبَّــــاحَــــا

اِلَى اَشْكِيتْ اَكًـْـيُودْ اَهْوَايَا تَقُولْ اسْمَعْ اَلْخُلْخَالِي صَـاحْ
كِيفْ اَكًـْــيُودَك صِيَّـــاحْ
قَالْ يَــــاصَــــاحِي
اَسْوَا اَكًـْـيُودَكْ وَ كًـْـيُودِي فِـــنْغَــــامْ صِيَّاحَــــا

القسم الخامس
قُلْتْ يَـالَهْلاَلْ اَلْمُضُـوحْ
يَالْهِيفَـــا كَحْلْ اَلْمَسْـرُوحْ
لاَشْ تَتْمَــاَزَحْ

كُلَّمَا نَشْكِي لَكْ بَجْيُـــــــــوحْ
كَــاتْشَتْكِي يَا غْصَنْ اِدُوحْ
مَــاسْ بَدْوَاوَحْ

لِمْتَـــا وَنَيَــا مَبْطُــــــــوحْ
مَنْ اَهْوَاكْ اَنْجَمْ اَلْمَشْبُــــــــوحْ
سَــــاحَرْ اَلاَّمَـــحْ

اِلَى اَشْكِيتْ اَرْيَاحْ اَشْجَارِ أتْقُولْ لاَتَشْكِي سَرَّكْ بَــــــاحْ
اصْبَرْ اَبْحَـــالِي تَرْتَاحْ
شُفْ لَرْيَــــاحـِي
اَتْهَـــزْ قَدِّ لَبْدَا بِهَـــا التِّيهْ دُوَّاحَــــــا

اِلَى اَشْكِيتْ اَكْسِرِ وَكْسِيرْ خَاطْرِي بَالَّحْضْ اَلْدَّبَـــــاحْ
قَــــالَتْ فَشْفُوفـِي رَاحْ
شَهْدْ لَجبَـــاحِي
مَنْ اَنْجَالِي كَسْرَ وَ كْسِيرْ لِيسْ بُوْقَـــاحَــــــا

اِلَى اَشْكِيتْ الْهَا تَشْكِي لِي بْمَا شْكِيتْ وَلاَصَبْتْ اسْـراحْ
وَعْيِيتْ مَنْ اَلتَّبْـــــرَاحْ
يَــالرَّجَــــاحــِي
ابْهُوتْهَــا غَلْبُونِي شَلاَّ اَنْصِيفْ بَرْجَــــاحَــا

غِيرْ نَرْجَا نَعْمْ اَلْغَنِي اَيْجُودْ لِي سُبْحَانْ الْفَتَــاحْ
عَـــالِي عَاتَقْ لَرْوَاحْ
رَبّْ سَمَّــاحِـي
اِحَلْ بَـابْ اَلرَّحْمَـــــا بَمْفَــاتَحُ اَلْفَتَّــــاحَــــا

خُدْ يَرَاوِ غَزْلْ رْقِيقْ بَالْمْعَـانِي فَاقْ اَبْتَرْجَــاحْ
يَفْصَحْ فُوقْ اَلْفَصَّـــاحْ
قَـــالْ فَصَّـــــاحِـي
خَــاتَمْ اَعْبِيرُ بَعْطُورْ الدُّهَــــاتْ فِيَّــــــاحَــــا