قصيدة الخمارا
نظم السي التهامي المدغري
مكسور الجناح

الحــربــة
كُـنْــتْ اَمْهَنِّي اسْلِيـمْ مَا نَعْــرَفْ يَا خَـنَّارِي * كـَـاسْ وَلاَ طـَاسَــا وَلاَ اخـْمَـــرْ* وَلَا نَــدْرِي اشْـرُوطْهَــا فَحْضَـرَتْ الْخَمَّارَا * اَسِيــِدي حَتَّى اَلْقَــاوْنِي شِي عِينِيـنْ اَزْكـَارَا

الــــدخــــــول
قَالْ يَانَاسِيدِي قَبْلْ المْدَامْ مَا دَاخَلْ تَحْتْ اَحْكَـاْم غِيرْ * مَرْتَاحْ مَاعْرَفْــتْ لَلْهْـَوى جَـرَّا * وَ لاَ ارْشَفْتْ اَكـْيُوسْ اَلْخَمْرَا * ولاشعلـْتْ فْقَـلـْبِي جَمْـرَا* مَطْلُوق امْعَـذّرْ في اعْدِيـرْ رَوْضْ امْكَـدَّلْ بَازْهَاري * مَا نَدْرِي لِيعَا وُ لاَ سْهَـرْ * فِي طِيبْ النَّومْ مادْرِيتْ لَلْغْرامْ اِيمَارَا

القســم الثانــي
قَالْ يَانَاسِيدِي  حَتى اَلْقِيتْ قـَتـَّالي باللَّحْـظْ السّْحيـرْ * نَـكـْـويتْ بين بَارودُو وَالشَّفْــرَا * بْلا اجْمَرْ مَـنْ حَـرّْ الخَــزْرَا * وُقلـْتْ هَاذي هِي الغُمْرَا *بَارودْ اجْعــَابْ العِيــنْ حَــرّْ مَنْ بَارودْ افْلَعْــفــَاري * نَكًـْـلِيزي نَارُو على النّْمَرْ *هَذا بَارودْ غَنْـجْ مَـن لَعْيـُونْ السَّحَّـارا

القســم الثالــث
قَالْ يَانَاسِيدِي وَ ادْعَنْتْ لَلْهْوى من ثَقَلْ العَشْقْ الْكْبِيرْ * مُحَالْ كَـيّْتِـي يَا وَعْــدِي تَبــْـرَا * مَنْ اسْيُوفْ اعْيُــونْ الْمَهْـَرا * وَلاَعْدَمْ عَاشَقْ مَا يَجْرَى* وحْملتْ حْمُولْ عْلَى احْمُولْ مَنْ فُوقْ اَحْمُولْ اضْرَارِي * وحْمُولِي ثُقلـَا على البْحَرْ* احْمُــولْ اَلاَّ طِّيقْهَا اَلْفْحُــولْ الصَّبَّارا

القســم الرابــع
قَالْ يَانَاسِيدِي وَدِّيتْ اَلْخْــلاَفَا خَلْـــفْ اَلْبْـدَرْ المْنِيــرْ * وَ ادْوِيتْ قُلْتْ يَا عَرَّاضْ القَفْـرَا * يا اطـْلــوعْ اشْعـَاعْ الزَهـْـرَا * يَا اعْلامْ اجْيوشْ النَّصْرا*يَا كـَنـْـزي يَا مَالِي وُ رُوحْ رُوحـِي يَا شــَمـْــعْ افْـنــَارِي * حَرْمَتْ ذَاكْ الرَّدْفْ وُ الخْصَرْ*دَاوِيني مَنْ اجْـرَاحْ ذِيكْ العِينْ النَحَّارَا

القســم الخامــس
قَالْ يَانَاسِيدِي وبْقيتْ بَالفْصالْ انرغَبْ الذهبْ الشْحيرْ * وَانْقولْ يَا هـْلاَلِي زينْ النَّظْـرا * فَكْـنِي مَنْ قـُـوسْ الــوَتْـرَا * وْشِي عْيونْ مْضَى مَنْ بَتْرَا* سَاعَـا زَادُوا قَلـْـبِي اعْكًـِـيـر مــن فـوقْ اعكـــيرُو نَاري * لُولاَ نَفــسْ امْباســَمْ الثْغَـرْ* يَحْرْقْنِي شِي الْهِيبْ مَنْ وَجناتْ الجَلاَرَا

القســم الســادس
قَالْ يَانَاسِيدِي وَمْنِيــنْ تَاكًـْــتْ اَعْلـِـيَّا بَالْغَصْنْ النّْظيرْ * اَرْمَى عْلَى الجْبينْ اشْعَاعْ الْغُرَا * وُ لِيلْ سَالَفْــهَــا وَ الظَّفـْـرَا * وُحَاجْبْ عْلَى قُوسْ الغَدْرَا* قُلـــْتْ القـَـدّْ وُرَمْحُـو وُقَامْــتُـو فــِى سَاعَــتْ لَمْـــزارِي * يَكْفِينـِـي يَا طَلَعْــتْ الْبـــْدَرْ* وُعْلاشْ اتْزِيدِينِي اسْيوفْ العِينْ النَحَّارَا

القســم السابــع
قَالْ يَانَاسِيدِي جَرْحَــاتْ عِينْهَا مَا يَشْبَـهْ ليهَا اغْــديــرْ * وَ لاَ ابْحَالْهــَا مَسْنُــونْ وُقَطْــــرَا * وامْسِيلْ مُــرَّا عَنْ فَتـْــرَا * وُبَاعْشُوشْ اِيكًـَـلَّـعْ الْكَـْشرَا* ولّا طَغْيـَــانْ اللِـــي اسْقِيــلْ وُجَـنْـــتِيَــالْ فَالْكًـْــحَـــارِي * بُولَظْفَـايَـــرْ حـَــادّ الظْفَـــرْ* وَلاَ مَثْلـُو اشْفَــارْ يـُـومْ الهُــوشـَا فَــرَّارَا

القســم الثامــن
قَالْ يَانَاسِيدِي وَالْخـَدْ فِيهْ نَارْ وُثَلْــجْ اِيفَخْــرُو افْخِيـــرْ * هَــذَا يْصُولْ عَـنْ ذَا بَاغْ وُجَمْرَا * وَرْدْ وُالْيَاسْ بْـلاَ حَصْـرَا * وُشِي اذْهِيبْ فُـوقْ الْفَجْرَا* اتْحَــامَــاوْ عْـلِـيَّـــا وُلاَ ابْغَــاوْ اِيــَرفْــقُـــوا بَصْـيـَـــارْي * وَنَا عَاشَـقْ مَا يْلِي اصْبَـرْ* وَالْخَالْ اغْــلاَمْ فِي دِيــهْ تَافْــلاَ وَاعْمـَــارَا

القســم التاســع
قَالْ يَانَاسِيدِي غَنْجُورْ كـَنّْ سُوسَانْ مَنْ الصَّنْعَا يْحِيرْ * قَرْنَــصْ بِيــنْ وردْاتُو فِي بَكـْـرَا * اَوْ بَــازْ اِيصَيـَّـدْ الْغـُـــرا * اَوْ امْثِيـلْ اهْليَّلْ فِي عَشْرَا* وَقْــتْ اِيزِيــدُو صَنْـــعْ الْكْــرِيـــمْ اَوْ اخْــلالْ افْتَعْبـَـارِي * وَاقَـفْ بِينْ الْبـَاغْ وَالزّْهَــرْ* مَنْ تَعْكَــارُو بْلاَ اشْكـُـوكْ اتْحَيَّـرْ الْعَكَارَا

القســم العاشــر
قَالْ يَانَاسِيدِي وَالْمَبْسَمْ فِيهْ عَجَبْ الْعْجَبْ افْرِيقُو اعْصِيرْ * وُفِيهْ الجْواهَـرْ اِيزهِّـوْ الْحَضْـرَا * فِيهْ الَعْقُودْ الْمَشْتَهْرَا * فِيــهْ اسْلُـــوكْ ادْيُــورْ الْكَـبْـــرَا* فِيهْ الْمَرْجَـــانْ عَلَـــى اخْوِيتَــمْ الذّْهَــبْ مَــنْ تَشْجَـــارِي * يَزْلَــغْ يَا هِيهَاتْ بَالعْــمَــرْ* مَا يَقْوَى لِيهْ مَالْ سَابُورْ وَلاَ قِيصَارَا

القسم الحادي عشر
قَالْ يَانَاسِيدِي رَكًـْبَـا يْغِيرْ مَنْ تُوكًـَــتْهَا وَلْــدْ الْحَدِّيــرْ * حَتَى ادْرَاعْهَـــا يَـزْلَــغْ بْعَنْتْـــرَا * رِيتْ فُوقْ اَرْخَامَا حَمْرَا * شِي اتْفَافَـحْ جَهْــدْ الْعَصْرَا* شَدُوهُـــمْ بَمْسَامَــرْ مَـــــنْ الْعَنْبَــــرْ فُـــوقْ الجَـــــلاَّرِي * اَنْبَاوْ وُطَلـُّو مَنْ الصّْـدَرْ* رَفْعُوا الخْلاَلْ بْكَرْوَا زَادُو عَنْفْ اَزْكَارَا

القسم الثاني عشر
قَالْ يَانَاسِيدِي وَبْطَنْ اَطْــوَاهْ عَقْلِي كـَطِيَّاتْ الْحْـرِيرْ * مَنْ صَابْهَا اطْواتْ افْكَاسْ اَلسَرَّا * اَجْوَارْحُو يَفْجِيوْ الْكَشْـرَا * عْلَى اسْوَارِي لِيهَا شَهْــرَا* فُــوقْ اَلسَّــاقْ الْعـَكْــرِي اللِّــي اسْقَــانِي خَمْــرْ اَلْبَــلاَّرِي * وَاسْكَرْتْ بْخَمْرُو مَنْ الثّْغَرْ* وُقْدَامْ اطْرَا مَنْ الَخْدَلَّجْ نَعْمَاتْ بَزْيَارَا

القسم الثالث عشر
قَالْ يَانَاسِيدِي لِيلَا وُيُــومْ فَبْسَاطْ الزّْهُـو عْلَى اسْرِيرْ * اَنَا وُمُولْتِــي وَكْـيُــوسْ الْخَمْــرَا * هَاكْ وَارَا بِيــنْ الْحَضْرَا * بَالصّْفـَـا عَشْقِــي فَالْعَــدْرَا* تَــرَى نَحْضَــرْ تَــرَى انْغـِيــبْ تـَـرَى نْمَجَّــدْ بَـشْعَــارِي * ذَاتْ الزِّينْ اَمْراحَتْ الْبْصَرْ* نَعْنِي مَلِكْ فِي ابْسَاطـُــو بِينْ الْــوَزَارَا

القسم الرابع عشر
قَالْ يَانَاسِيدِي عَكًـَـبْ اَلنّْهَارْ قَالَــتْ وَلْفِي تَبْقَى ابْخِيرْ * هَلُّوا امْدَامْعِي وَلاَ وَجَدْتْ اَلصَّبْرَا * اَكْـوَاتْنِي بَالنَّارْ اَلْحَمْــرَا * قَلْـتْ يَا رَمْكًـَـــاتْ اَلْعَفْـرَا* كِيفْ اِيطِيــبْ اَمْنَامِـي وُكِـيــفْ نَهْجَــعْ لِيلِــي وَانْهَــارِي * قاَلَــتْ وَاَنَــا حَالْتِــي اكْـثَــرْ* لاَكَنِّي مَعْلُومْ فَالْهْوَى عَسْلْ الْحُبّْ اَمْرَارَا

الدريدكـة
اتْوَادَعْنـَـا وُغَابْ الْبَـــدْرْ عَـــنْ شُـــوفْ اَبْصَارِي * وَابْقـَـــاتْ اللِّيعَـــا مْــــعَ الفْكَــــرْ * مَثْـــلْ مَنْ ابْقَى افْرِيـــدْ مَفْقُـــودْ فْـــاَرْضْ اَقْفَـــارَا

هَـذَا حَكْـــمْ الْهْـــوَى عْلَى الْهـَــاوِي قُلْـــتْ اَنَارِي * وُعْلَى الْعَاشَــقْ وَاجَـــبْ اَلصّْبَـــرْ * وَعْـلَى الْمَعْشُــــوقْ حَـــقّْ يَصْبَـــْر مَالـُـو اخَتْيـَــارَا

لاَزَمْتْ اَمْحَايْنِــي وُشُـــوقِي وَافْشِيـــتْ اَسْــرَارِي * وَالْعَاشـَـــقْ لُـــو بـَـــاحْ اِينَعْــــدَرْ * وَالْعَشْـــقْ اَشْرِيـــرْ لِيسْ يَنْفَــــعْ فَهْــــوَاهْ اَحْـــزَارَا

اَنَا الْعَاشَـقْ دُوحْـتْ اَلزّْهَـرْ وَالزّْهَـرْ مَنْ ازْهَـارِي * مَــا زَاهـَـــرْ اِلاَّ بْــمَــا ازْهَـــــــرْ * زَهْــرَا زَهْــرْ اَلزْهُــورْ زَهْــرَا ازْهُــورْ الْمَزْهَارَا

اللهْ يِجُـــــودْ وِيصْفَـــــحْ عـَـنْ ذَنْــبِــــي وُ وْزَارِي * اِيجَـــاوَزْ وِيجُـــــودْ وِيــغْــفَـــــرْ * وَمَا قَــــاسِيـــتْ فَالْغْــــرَامْ اِيجَعْـــلــُـو كَــفَّــــــارَا

وَسْلامـِــي لَلْشْيـَــاخْ وَجْمِيــــعْ اَللِّي هُــــوَ قـَــارِي * مَا دوَّحْـــتْ انْسايْـــمْ اَلـــزّْهـَــــرْ * وَعْلَى اَلْوَدْبـَــا اَقـْــوَامـَـــسْ الْمُوهُــــوبْ اَلشُعَــارَا