قصيدة النهار
لسيدي قدور العلمي      مكسور الجناح

القسم الأول
قـَالْ يَنـَا سِيدي مَثـْلِي امْعَ الغـْرَامْ سْفِينـَا مَا بِين مُوجْ
مُوجـَا تـْلـُوحْهـَا مُوجـَا تـَرْفـَدْهـَا
و لا قـْدَرْ رَايَسْ يـَرْصَدْهـَا
غـَادْيـَا فـَالبَحَرْ وُحَدْهـَا
اعْلـَى اجْهَدْهـَا
مَثـْلْ الطـِّيرْ الـْذِي جْنـَاحُو وَاتِي
وُلا شْفـَقْ مَنْ تـَمْرَاتِي
اعْلـَى امْحَانـُو يَصْبَرْ مَنْ لا عْطـَاهْ سَعْدُو رَافـَا وُ لا سْخـَا بْمَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم الثاني
قالْ يَنا سِيدي مَمْلـُوكْ مَا يْلـِي عَنْ بَابْ الطـَّاعَا خـْرُوجْ
رَاضِي لـْمَنْ سْلـَبْ عَقـْلِي حُسَنْ بْهَاهْ
نـَسْتـْجَبْ  الـْاَمْرُو وَ انـْهَاهْ
وَ الغـْلا َمْ ايْطِيعْ لـْمُولا َهْ
كِيفْ يَرْضـَاهْ
وَ نـْبَايَعْ لـَلـْمْلِيحْ وَقـْتـَنْ يَاتِي
غِيرْ تـَنـْظـْرُو مُقـْلا َتِي
ايْقـَدّْنِي فِيهْ الشـُّوفْ الـَى رْضـَا عْلِيَّ سُلـْطـَانِي بَاهِي الْجْمَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم الثالث
قال ينا سيدي مُولُوعْ بَالسّْرَاتَا مَرْكًـُومِينْ اَلسّْرُوجْ
وَالَفْتْ كُلّْ عَامْ اَنْرَبِّي مَرْكُوبْ
مَثْلْ لشكًـَرْ بُوعَرْكَـُوبْ
خَاطْيَاهْ اَللُّولَا مَدُّوبْ
يَوْمْ الَحْرُوبْ
اَنْضَمُّو ضَمّْ اَلشْجِيعْ اَلْعَاتِي
مٌولُوعْ بِهْ بَالْفَرْجَاتِي
اَشْ رَا مَنْ لَا هَزُّو رِيحْ فَرْسْنَا وَ تْوَلَّعْ بَصْيَادَتْ الْغَزَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم الرابع
قال ينا سيدي سَرّْ اَلزْهُو وُطِيبْ اَلْجَلْسَا مَا بِينْ جُوجْ
سْبَابْ اَلْفْرَاقْ جْمِيعْ اَللَّامَا
اَوْلُ فَرْحَا وَسْلَامَا
وَ آخْرُ غُصَّا وَ نْدَامَا
بْلاَ اسْلاَمَا
سَبًّتْ فَقْدِي وُ غْرَبْتِي وَ شْتَاتِي
ما لْبَسْتْ ثُوبْ اِيوَاتِي
جِيتْ نَتْقَدَّمْ سَاعَا خَفْتْ جِيتْ نَتْوَخَّرْ صَبْتْ اَجْوَارْحِي ثْقَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم الخامس
قال ينا سيدي طِيرْ اَلعْفَا اَلْخَلْوِي مَا يَسْكُنْ فـَالْبْرُوجْ
مَعْلوُمْ فَرْخْ لَرْبَى مَا يَتْرَبَّى
بَعْدْ تَكْتَبْ لُ الَمْحَبَّا
بْشَايْنْ اَلعْزَايَمْ وَ الْكَتْبَا
وُ كُلّْ طَلْبَا
يَحْسَابُو مَا قْرِيتْ خَطّْ اَزْنَاتِي
عَنْ اوْصَالْ رَاحْتْ ذَاتِي
وَلاَ اَخْبَرْنِي عَنْ وَصْلُو تَشْقِيقْ الْاَسْمْ وَ لَا جَلْبُو لِي اَشْكَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم السادس
قال ينا سيدي وَالزِّينْ صِيدْ وَالْعَاشَقْ عَنْ قَنْصُو اَيْرُوجْ
وَ الظَّبْيْ مَنْ اَخْيَالْ اَلرَّامِي يَجْفَلْ
حِينْ صَيَادُو يَتْخَتَّلْ
عَاسْ عْلَى بِيبَانْ الْمَقْتَلْ
لِيسْ يَغْفَلْ
كـَلُّو فِي اَتْبَاعْ الْبْهَا خَطْوَاتِي
بعد مَا اهْدِيتْ اَتْقَاتِي
هكْذَا هَيَّ الدُّنْيَا تطيَّحْ الفُضَلا و تكًـَعَّدْ الرْذالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم السابع
قال ينا سيدي مَنْ رَادْ اَلعْلُو يَبْنِي لَطْلُعُو اَدْرُوجْ
وُلَرْضْ بَالرّْوَا تَزْيَانْ وُ تَخْضَارْ
هَكْذَاكْ اَلزِّينْ اَلْمَسْرَارْ
رَاحْتْ اَخْلاَكَـُو فَ الدِّينَارْ
خُدْ لَخْبَارْ
وَ نْرُوفْ على الحْبِيبْ بمودّاتي
يَاكْ تَنْصْرَفْ لِيعَاتِي
وَالصّْبَرْوَالصَّمْتْ اِيفَادَا لْكُلْ عَاقَلْ وَ الصَّابَرْ لَا غْنَى اَيْنَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم الثامن
قال ينا سيدي نَبْغِي لَجْمَالْ وَالصَّهْبَا وَ نْحَبّْ اَلْفْجُوجْ
لُو صَبْتْ كُلّْ لِيلَا نَغْنَمْهَا حَضْرَا
بَالْبْهَا وَ كْيُوسْ اَلْخَمْرَا
وَالشّْمَعْ وَاقَدْ وُصَفْرَا
زَهْوْ وُ بَشْرَىَ
وَبْدُورْ اَلزِّينْ اِينَشْدُوا مَيَاتِي
بَطْبُوعْ مَنْ حُلَّاتِي
وَالتْوَاشَحْ وَالكًـُبَّاحِي مْعَ البْرَاولْ وَ صَنْعْتْ اَلرَّصْدْ وَ الْهْلاَلْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم التاسع
قال ينا سيدي وَنْغُوصْ فِي اَبْدِيعْ الْحَسَنْ فِي غَمْقْ اَللّْجُوجْ
عَسّى اِلَى وْقَفْ لِيَ مَزَّانِي
وُ جَابْ لَغْنَايَمْ قُرْصَانِي
وُتَاكَـْ ضَوّْ اَلْبَدَرْ اَلسَّانِي
عْلَى اَمْكَانِي
وَجْهُو عَنْدِي عَزّْ مَنْ مَقْلاَتِي
عَبْدْ لِيهْ طُولْ اَحْيَاتِي
ضَوْ عِينِي عَنْدِي فَبْهَاهْ كُلّْ نَظْرَا قِيمَتْهَا كِيسِ مَنْ المَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ

القسم العاشر
قال ينا سيدي هَاكْ لَحْسَامْ بَاشْ تْقَاتَلْ هَمَجْ لَهْمُوجْ
اَصْغَى اَلْحْدِيثْ يَارَاوِي ذَا اَلْحُلاَّ
صَافْيَا مَا فِيهَا خُلاَّ
اِلَى اَطِيحْ فْنَاسْ اَلْفَضْلاَ
شَانَكْ يَعْلَى
غَنِّي بَالْغَايَا وَافْتْخَرْ اَبْمَيَاتِي
لَا اَتْخَافْ مَنْ اَلْوُشَاتِي
وُالْقْصِيدَا كَنْزْ اَفْصَدْرَكْ صُوْنَهَا تَحْضِيكْ مَنْ اَلشَّرْ وُ لَهْوَالْ
الحربة
ظـَلْ نـْهَارِي سْعِيدْ يَا فـَرْحَاتِي
 مَالـْكِي انْعَمْ بَمْبَاتِي
ابْطـَا عـْلِيَّ امْتـَى يَاتِي اللـِّيلْ نَطـْلـَبْ رَبِّي يُوفِي بْشِينْ كـًـَالْ
ويجِينـَا تـُوكًـْتْ لـَهْلالْ